Autor: Tirana

Nivelet e rrezikshme të zhurmës në vendin e punës janë një çështje serioze dhe nëse nuk merren masat e nevojshme, mund të shkaktojnë stres,produktivitet më të ulët dhe më e rëndësishmja, probleme shëndetësore për ata që ekspozohen ndaj tyre.

Më poshtë janë 7 hapa specifikë për të adresuar këtë problem.

1) Mbrojtja e dëgjimit për punonjësit

Ky është ndoshta opsioni më i qartë për shumë punëdhënës. Mbrojtja e veshëve është shpesh e domosdoshme dhe mund të jetë shumë efektive për punëtorët që punojnë në vendet ku zhurma tejkalon 85 dB. Ekzistojnë disa lloje të ndryshme të mbrojtjes, duke përfshirë tapa veshi, kufje mbi-vesh (të cilat vendosen mbi vesh dhe mbahen në vend me një copë plastike ose tel). Efektshmëria e një pajisje të caktuar mbrojtëse të dëgjimit mund të matet si një Vlerësim i Reduktimit të Zhurmës (VRZ) në pikë.

Përveç kësaj, ekziston gjithashtu një zgjedhje që duhet bërë midis mekanizmave bllokues të zhurmave: pasivë dhe aktivë (ku reduktimi aktiv i zhurmës përfshin maskimin e tingujve të rrezikshëm me një tingull tjetër – veçanërisht të dobishme për të mbrojtur kundër zhurmave të vazhdueshme me frekuencë të ulët si ajo e një aerodromi).

2) Pozicionimi i burimeve të zhurmës dhe vendeve të punës

Një zgjidhje e drejtpërdrejtë që mund të jetë një mundësi për kompaninë tuaj është të rregulloni konfigurimin e hapësirave tuaja në mënyrë që makinat e zhurmshme të jenë shumë më larg nga vendi ku punonjësit janë të vendosur normalisht.Kjo mund të kryhet lehtë sepse shumë fabrika mund të mundësojnë hapësirë të mjaftueshme për të lëvizur disa stacione pune në zona më të qeta.

Kur ky hap zbatohet, së bashku me stacionimin e makinave të zhurmshme (të përmendura më lart), efektet mund të jenë veçanërisht të dobishme, pasi burimi i zhurmës largohet nga punonjësit si nga pengesat ashtu edhe nga distanca.

3) Dizenjimi i Ndërtesave

Përdorimi i materialeve pë izolimin e tingujve në muret dhe tavanet mund të japë një kontribut të madh në mënyrën se si ato qarkullojnë nëpër ndërtesë. Avancimet e teknologjisë në materialet e ndërtimit janë duke mundësuar funksione të reja mbresëlënëse

– madje ka edhe një prirje drejt materialeve-bio miqësore me mjedisin për këtë qëllim. Por nëse zgjidhni materiale standarde ose të reja, muret dhe dyshemetë izoluese mund të ndihmojnë shumë për të ndaluar cdo burim zhurme në ndërtesën tuaj.

4) Praktikat e punësimit

Një tjetër qasje e thjeshtë është reduktimi i sasisë së kohës që punonjësit kalojnë në kontakt me burimin e zhurmës. Kjo mund të arrihet lehtësisht duke ndërruar punëtorët brenda dhe jashtë zonës së kontaktit me zhurmën. Kjo mënyrë është veçanërisht e efektshme pasi i jep dëgjimit të punëtorëve një pushim nga burimi i zhurmës.

Gjithsesi, dëmtimi i dëgjimit nga zhurma është kumulativ, kështu që do të rritet me kalimin e kohës, pavarësisht nga pushimet e bëra. Kështu që, një zgjidhje tjetër është që të ketë sa më pak punonjës të jetë e mundur në detyrë kur zhurma të larta janë të pranishme në vendin e punës.Caktimi i disa proceseve të zhurmshme kur ka më pak punonjës në detyrë është një tjetër mundësi.

5) Instalimi i pajisjeve të izolimit të zhurmave në makineri

Në këtë drejtim, silenciatorët janë një metodë e dobishme, për zvogëlimin e zhurmave të frekuencave të ulëta të krijuara nga rrjedhja e ajrit në makineri dhe ventilatorët. Gjithashtu, masa të tjera, të tilla si zëvendësimi i bullonave me saldime, zvogëlojnë ndjeshëm zhurmën. Ekzistojnë dy kategori të silenciatorëve – thithëse dhe silenciatorë të dobësimit të motorit – të cilat ndryshojnë si në aplikimet e tyre ashtu edhe në dhe përfitimet që ato sjellin.

6) Blerja e Makinerive Bazuar në Vlerësimin e Nivelit të Zhurmës

Natyrisht, është më mirë që të adresohen nivelet e zhurmës para se ato të shndërrohen në çështje problematike. Nëse pyesni prodhuesit rreth niveleve të zhurmës kur blini pajisje, mund t’i kurseni vetes shumë para dhe mërzitje nga problemet e mëvonshme.

“Bli i qetë” është një iniciativë e disa qeverise për të inkurajuar bizneset për të blerë pajisje me nivele të ulëta të zhurmës. Organizata të tilla si NASA kanë zbatuar udhërrëfyesin e sigurisë “bli i qetë”.

7. Masa Të Tjera “Jashtë-kornizave”

Ju duhet të ofroni trajnime për punëtorët tuaj mbi mënyrat e parandalimit të dëmtimit të dëgjimit. Në fund, secili anëtar i stafit është personi më i mirë për të monitoruar dhe gjykuar nivelet e tyre të ekspozimit ndaj zhurmave. Punëdhënës të tjerë kanë gjetur përfitime të mëdha në ofrimin e hapësirave pa-zhurmë në vendin e punës ku punëtorët mund të reduktojnë stresin.

Akti i thjeshtë i jetesës është shpesh stresues. Edhe kohët e lumtura – nga organizimi i një feste apo duke u përgatitur për të dalë – mund të sjellë stres dhe ankth. Ndërsa këto ndjenja mund të jenë veçanërisht të forta në punë, mbani në mendje se ju keni çelësin për të menaxhuar stresin dhe ankthin jo vetëm në punë, por në të gjitha fushat e jetës suaj. Kur ju e bëni prioritet vetë-kujdesjen, ju merrni kontrollin e jetës suaj.

Këshilla nr.1: Filloni vetë-kujdesjen në shtëpi.

Sigurohuni që të flini gjumë mjaftueshëm. Hulumtimet sugjerojnë se është mirë të shmangni ekranet (telefonat, tabletët dhe laptopët), leximin e materialeve që ndikojnë emocionalisht apo ushtrime fizike para shtratit, por të gjithë janë të ndryshëm dhe nëse keni nevojë për televizor që të bini në gjumë, kjo është mirë për sa kohë që nuk ju shkakton ndërprerje të tij. Nëse keni probleme serioze me gjumin, konsultohuni me një profesionist.

Para se të niseni për në punë, jepini kohë përgatitjes së ushqimeve të shëndetshme për një drekë të balancuar. Shqetësimi në lidhje me vaktin që do të hani mund të shkaktojë stres dhe ankth. Ju keni më pak gjasa të përfundoni duke blerë ushqime të gatshme dhë të shqetësoheni për minutat e mbetura të drekës nëse atë e keni sjellë me vete nga shtëpia.

Këshilla nr.2: Ndërsa jeni në punë, kushtojini vëmendje mjedisit rrethues.

Merrni ca kohë për të kuptuar se çfarë keni nevojë për të krijuar një hapësirë që është e favorshme për një mjedis të mirë pune. Nëse kompania juaj e lejon atë, personalizoni zonën tuaj të punës me sende që kanë kuptim për ju, të tilla si veprat e artit të preferuara, foto ose bimë.

Organizoni mobiljet në një mënyrë që t’ju bëjnë të ndiheni rehatshëm dhe lejojnë qasje të lehtë në dosjet ose materialet referuese që përdorni shpesh. Vendosni sendet që ju duhen të bëni punën tuaj, të tilla si stilolapsa, fletore ose kapëse, afër në mënyrë që ta keni të lehtë për t’i marrë ato. Kjo do të minimizojë irritimet apo bezditë që me kalimin e kohës mund të krijojnë stres.

Mbajtja në rregull e një mjedisi rrethues me çdo objekt në vendin e duhur përgjatë gjithë ditës së punës duke mos stresuar gjymtyrët tona, do të zvogëlojë stresin mbi shpinën tuaj dhe do të evitojë dhimbjet e saj. Rregulloni karrigen tuaj për mbështetje të mirë të mesit dhe shtoni jastëkë të vegjël nëse keni nevojë për to. Duke i kushtuar vëmendje mënyrës se si ndihet trupi juaj në mjedisin e punës do të ndihmoni në zvogëlimin e stresit dhe ankthit për një periudhë afatgjatë.

Këshilla nr.3: Bëni pushime të shkurtra.

Edhe nëse mbani një posturë të përsosur, qëndrimi ulur për një kohë të gjatë nuk është i mirë. Ngrihuni dhe ecni përreth ose tendosni gjymtyrët çdo gjysmë ore ose më shumë për të mundësuar qarkullimin e gjakut. Ngrihuni dhe bëni kopje, plotësoni materialet e zyrës, ose merrni një pije freskuese. Në vend që të dërgoni email tek një koleg, ngrihuni dhe ecni për të biseduar personalisht.

Lëvizja është e rëndësishme për reduktimin e stresit dhe ankthit, por gjithashtu është edhe heshtja. Mos e nënvlerësoni fuqinë e mbylljes së syve dhe frymëmarrjes. Thithja e thellë e ajrit rrit oksigjenin në gjak, përmirëson qartësinë mendore, relakson muskujt dhe ul presionin e gjakut. Ngadalë thithni ajrin për katër sekonda, mbajeni frumë për tetë sekonda të tjera, dhe nxirreni ajrin po për katër sekonda. Disa minuta frymëmarrjeje të thella do të pastrojnë mendjen dhe do t’ju ndihmojnë të rifokusoni energjinë tuaj.

Këshilla nr.4: Ulni sasinë e kafeinës.

Vajtja për të marrë një filxhan kafeje është një mënyrë e mirë për t’u shkëputur nga kompjuteri, por konsumimi i shumtë i kafeinës vjen me çështjet e veta. Teksa hulumtimet sugjerojnë disa efekte terapeutike nga marrja e kafesë, gjithsesi kafeina është një stimulues dhe mund të vareni prej saj. Konsumi i tepërt është i lidhur edhe me shumë sëmundje kronike, siç janë tensioni i lartë i gjakut dhe dhimbjet e kokës. Marrja në mënyrë të moderuar është çelësi i kësaj. Nëse jeni duke përjetuar ankth, provoni shkurtimin e numrit të filxhanëve që pini në ditë ose ndryshimin në kafe të dekafeinuar ose çaj bimor. Shtimi i sheqerit në kupën tuaj mund të ndikojë në nivelin tuaj të energjisë dhe të sjellë uljen e saj pasdite, kështu që është një ide e mirë për të kufizuar edhe ëmbëlsuesin.

Këshilla nr.5: Krijoni marrëdhëniet tuaja të punës me një këndvështrim positiv.

Çfarëdo mënyre që zgjidhni për të menaxhuar stresin dhe ankthin në vendin e punës, qëndrimi juaj bën një ndryshim të madh. Një pikëpamje pozitive për jetën dhe punën mund të zvogëlojë stresin dhe ju gjithmonë keni një zgjedhje për të parë një situatë në një dritë pozitive ose negative. Megjithatë, edhe me një qëndrim pozitiv, konfliktet do të vazhdojnë të lindin. Kur kjo ndodh, mos u përgjigjeni menjëherë; merrni pak frymë thellë dhe qetësohuni. Nëse ndiheni të tronditur, ndryshimi i ambientit tuaj fizik, si për shembull shëtitja ose shkuarja në palestër, mund të ndihmojë. Pasi të jeni qetësuar, përpunoni atë që ndodhi dhe përpiquni të kuptoni perspektivën e personit tjetër. Shihni atë nëpërmjet syve të tyre. Pranoni ndjenjat tuaja si të vlefshme dhe shikoni gjithashtu vlefshmërinë e ndjenjave të tyre.